Wednesday, June 3
Shadow

बैदेशिक रोजगारीमा मृत्यु भएका ५८ जना नेपालीको उतै अन्त्येष्टि गरिने

काठमाडौं – वैदेशिक रोजगारीका क्रममा मृत्यु भएका ५८ जना नेपालीको विदेशमै अन्त्येष्टि गरिने भएको छ ।वैदेशिक रोजगार प्रवर्द्धन बोर्डका कार्यकारी निर्देशक राजन श्रेष्ठका अनुसार परीवारले सहमती जनाएपछि कामका शिलशिलामा विदेशमा मृत्यु भएका ५८ नेपालीको उतै अन्त्येष्टि गर्न लागिएको हो ।उनका अनुसार युएईमा ३२, साउदीमा ७, मलेसियामा २, कतारका ६, दक्षिण कोरियामा ३ जना अन्य विभिन्न मुलुकमा मृत्यु भएका ८ नेपालीको उतै अन्त्येष्टि गरिन लागिएको हो ।

कोरोना भाइरसको संक्रमण फैलिएपछि विश्वका विभिन्न मुलुकले लगाएको अन्तर्राष्ट्रिय उडानको प्रतिबन्ध तथा नेपाल सरकारले समेत उडानमा गरेको प्रतिबन्धले विदेशमा मृत्यु भएकाहरुको अन्त्येष्टि हुन सकेको थिएन ।उता अन्त्येष्टि पनि गर्न परीवार सहमत नहुने तथा नेपालमा पनि शव ल्याउन नसकिएपछि बोर्ड अप्ठ्यारोमा पर्दै आएको थियो ।अझै पनि अरू १४९ नेपालीको शव विदेशमै अलपत्र अवस्थामा छ । नेपाल ल्याउन सरकारले छुट्टै प्रबन्धसहितको आदेश नदिएसम्म शव ल्याउन सक्ने अवस्था नरहेको श्रेष्ठले जानकारी दिएका छन् ।

Leave a Reply

Your email address will not be published. Required fields are marked *

%d bloggers like this: